Tanah Bumbu -
Jadi kada Jokowi ja (Presiden Indonesia) mun naik panggung babagi hadiah, unda gin dintu jua. Unda ni maumpati gaya Sidin (Jokowi).
Ujar Paman Birin (Gubernur Kalsel) rahat diatas panggung pas mamadahkan sambutan parihal ma andak batu panambayan gasan maulah masigit nang bangaran Ar- Raudah dilapangan 5 Oktober Desa Bersujud Kecamatan Simpang Empat, Kamis (21/09/17).
"Lamun Pak Jokowi babagi hadiah, mun unda kada. Unda langsung mambari duit amun ada nang bisa manjawab tatakunan unda. Ayu mana bubuhan lalakian wan babinian naik kasini, unda bari duit mun bisa manjawab," tantang Paman Birin.
Mulanya Paman Birin mangiyau lima urang haja, lalakian batiga babiniannya badua. Maraga ada nang kada bisa manjawab tatakunan sidin, laluai tumbur nang lain handak jua naik kapanggung.
Sambatakan lima rukun islam, takun Paman Birin. Lalu disambati tunggal butingan. Madakannya pas, langsung ai dapat duit dua juta rupiah.
Macam macam tatakunan Paman birin lawan bubuhan nang dikiyau sidin naik kapanggung nintu. Ada nang ditakuni Pancasila, ada Rukun Iman, ada ngaran Bandara, ada jua ngaran Bupati, ada jua nang ditakuni sidin alamat rumah surang wara, haraw dapat duit.
Waktu ma andak batu gasan pundasi masigit nintu, Paman Birin dikawani Bupati Mardani H. Maming, Waka Polres Kompol Norhayat, SIK, H. Andi Muhamammad Arsyad (kuitan laki H. Isam) wan bubuhan Andhika lainnya.
Sadikit manambahi, diacara nintu jua, Habib Husien bin Anis Al Jufri batausiyahan nang isinya banyaki basadaqah gasan sangu mati, antaranya maulah masigit atau gasan ba ibadah urang banyak. (M12)
Jadi kada Jokowi ja (Presiden Indonesia) mun naik panggung babagi hadiah, unda gin dintu jua. Unda ni maumpati gaya Sidin (Jokowi).
Ujar Paman Birin (Gubernur Kalsel) rahat diatas panggung pas mamadahkan sambutan parihal ma andak batu panambayan gasan maulah masigit nang bangaran Ar- Raudah dilapangan 5 Oktober Desa Bersujud Kecamatan Simpang Empat, Kamis (21/09/17).
"Lamun Pak Jokowi babagi hadiah, mun unda kada. Unda langsung mambari duit amun ada nang bisa manjawab tatakunan unda. Ayu mana bubuhan lalakian wan babinian naik kasini, unda bari duit mun bisa manjawab," tantang Paman Birin.
Mulanya Paman Birin mangiyau lima urang haja, lalakian batiga babiniannya badua. Maraga ada nang kada bisa manjawab tatakunan sidin, laluai tumbur nang lain handak jua naik kapanggung.
Sambatakan lima rukun islam, takun Paman Birin. Lalu disambati tunggal butingan. Madakannya pas, langsung ai dapat duit dua juta rupiah.
Macam macam tatakunan Paman birin lawan bubuhan nang dikiyau sidin naik kapanggung nintu. Ada nang ditakuni Pancasila, ada Rukun Iman, ada ngaran Bandara, ada jua ngaran Bupati, ada jua nang ditakuni sidin alamat rumah surang wara, haraw dapat duit.
Waktu ma andak batu gasan pundasi masigit nintu, Paman Birin dikawani Bupati Mardani H. Maming, Waka Polres Kompol Norhayat, SIK, H. Andi Muhamammad Arsyad (kuitan laki H. Isam) wan bubuhan Andhika lainnya.
Sadikit manambahi, diacara nintu jua, Habib Husien bin Anis Al Jufri batausiyahan nang isinya banyaki basadaqah gasan sangu mati, antaranya maulah masigit atau gasan ba ibadah urang banyak. (M12)
Tidak ada komentar:
Posting Komentar
Silakan berkomentar tapi jangan bernuansa SARA.