Muhammad Noval Kurvianto (24), warga nang bagana di Gang Damai RT 002 Desa Hidayah Makmur Kecamatan Simpang Empat ngini ditangkap pulisi, Arba (25/10/23).
Inya ditangkap Satresnarkoba Polres Tanah Bumbu di dalam rumah nang ada di Jalan Sampurna Gang Sampurna IV Desa Hidayah Makmur Kecamatan Simpang Empat maraga banyak bisian barang haram sabu.
Kada alang alang, 17 paket sabu pas ditimbang harau ma 51,06 gram baratnya.
Ujar buhan Polres Tanah Bumbu, Muhammad Noval ngini ditangkap maraga ada habar pina rami jar urang manyabu di Desa Hidayah Makmur. Makanya pas buhan pulisi baju uk intai maintai, sekalinya iya jua ai ada nang bajual.
Akhirnya, ya kaya itu pang, inya nang bagana di Gang Damai ngini ditangkap dibawa ka Kantor Polres Tanah Bumbu wan barang jujualannya. (Rel)
Tidak ada komentar:
Posting Komentar
Silakan berkomentar tapi jangan bernuansa SARA.