Ujar nang maliat, sidin si Marhat ngini badua wan nang anak handak ma angkat lukah, imbah tu nang anak ngini tulak satumat handak ma ambil pakakas, tapi imbah nang anak babulik kadada lagi maliat kuitannya, lalu nang anak curiga abahnya tagugur ka sungai maraga melihat ada bakas batis tagulintas.
Sambat Kepala Kantor Pencarian dan Pertolongan (Basarnas) Banjarmasin, Al Amrad, S. Sos mambari katarangan asal muasal hilangnya Marhat nang baumur 75 tahun, nang bagana di Teluk Masjid Kecamatan Sungai Pandan Kabupaten Hulu Sungai Utara nang gugur ka sungai, Kamis (26/10/23).
Imbah mendapat lapuran ada urang hilang gugur ka sungai, ujar Al Amrad lagi, kami langsung manurunakan 1 Tim ka lukasi bacarian.
Maulana Abdilah (Koordinator Unit Siaga SAR Tabalong) sebagai koordinator lapangan bepadah, wahini samunyaan Tim SAR Gabungan yang ada dilapangan hauran bacarian, barata an bahimat balilihat kalu pina dipinggir wan ditangan sungai, kalu ai ada timbul nang hilang tinggalam tu.
"Mudahanai nang tinggalam nintu lakas timbul tatamu, sihat kada kurang apa pun," ucapnya. (Rel)
Tidak ada komentar:
Posting Komentar
Silakan berkomentar tapi jangan bernuansa SARA.