Hanyar imbah Mutur Taruntun wan Sapida Mutur Hunda baranjahan di parak situ, bamatian, barumpakan pulang Mutur Triton wan Sapida Mutur Hunda pulang, Arba (25/10/23).
Baranjahan nang pamulaan, binian nang manunggang Sapida Mutur habis umur pas rahatan dibawa ke Rumah Sakit.
Baranjahan nang kadua, lakian bangaran Dedi Yusuf (23), urang Desa Mauki Kecamatan Kuli Susu Barat Kabupaten Buton Utara tapi bausaha bapancarian di Angsana.
Untungnya lukanya kada parah banar, bibirnya bangkak wan batis kanan lingsak, tapi Sapida Mutur nya banarai nang pina banyak rusaknya.
Baranjahan nya di Jalan Raya Propinsi, kada jauh lawan Klinik Kusuma Medika Desa Karang Indah Kecamatan Angsana, jadi langsungai dibawa kasitu baubat.
Tapi ujar buhan Pulisi Polsek Angsana, si Dedi Yusuf ampun Sapida Mutur Hunda wan Deverson, supir nang mambawa Mutur Triton nang baisi KTP ba alamat di RT. 017 Jalan 9 Oktober Gang Nusa Indah Kelurahan Pekauman Kecamatan Banjarmasin Selatan ngini sudah badamai, jadi kadada masalah lagi.
"Buhannya badua tadi tu ditamuakan di Sat Lantas Polres Tanah Bumbu, saikung kada menuntut lagi, saikung nya akur haja babaik bagaganti wan maungkusi baubat, jadi damai," ujarnya. (Red)
Tidak ada komentar:
Posting Komentar
Silakan berkomentar tapi jangan bernuansa SARA.