Akhirnya, imbah tuhuk buhan Basarnas Gabungan bacarian ka hulu ka hilir, Marhat (75) urang tuha nang bagana di Desa Teluk Masjid Kecamatan Sungai Pandan Kabupaten HSU tatamu jua, tapi sayang sidin sudah kada ba umur lagi, Kamis (26/10/23).
Mulanya sidin dicurigai tagugur ka sungai gagara tagulintas bajajak dipinggir sungai, lalu tacabur wan lamas tinggalam.
Imbah dicari dihayau ka hulu ka hilir matan pinggir sungai sambil balilihat ka tangah padang banyu, sidin kaliatan ulih buhan Tim Basarnas mancungul kada sing gerakan, sekalinya sudah kada ba umur lagi.
Sidin ngini mulanya handak ma angkat lukah wan nang anak, tapi nang anak waktu itu babulik ma ambil pakakas, jadi sidin ta tinggal sorangan. Pas nang anak babulik, sidin sudah kadada lagi batunggun, ada pang kaliatan balas baris tagulintas dipinggir tabung, kikira sidin tagugur ka sungai, lalu ai urang tumbur bacarian.
"Sidin ditamuakan dah, jauh matan bakas gugur sakira manigablas pal, kamarian tadi timbulnya, langsungai kami bawa bulik ka rumah," ujar Maulana Abdillah, Koordinator Basarnas Tabalong. (Rel)
Tidak ada komentar:
Posting Komentar
Silakan berkomentar tapi jangan bernuansa SARA.